Masdar ilə Energetika Nazirliyi arasında 2022-ci ildə Azərbaycanda 10 QVt İnteqrasiya Olunan Enerji və Yaşıl Hidrogen layihələrinin həyata keçirilməsinə dair Anlaşma Memorandumu imzalanmışdır . Bu layihə 2027-ci ilə qədər 4 QVt Bərpa Olunan Enerji (1 QVt günəş PV, 1 QVt quruda külək və 2 QVt dənizdə külək) və əlavə 6 QVt İnteqrasiya Olunmuş Bərpa Olunan Enerji (1 QVt günəş PV, 1 QVt quruda külək, 4 QVt Yaşıl Hidrogen həlləri ilə inteqrasiya olunmuş dənizdə külək) tətbiqini nəzərdə tutur. Hazırda “Ecoenergy Consulting” MMC “Tetra Tech” şirkəti ilə birlikdə Masdarın Azərbaycanda Meqa Layihəsinin 1-ci Fazası üçün Şəbəkəyə Təsirin Qiymətləndirilməsini həyata keçirir. Bu layihə bərpa olunan enerji mənbələri üçün inteqrasiya imkanları üzrə Azərbaycanın Milli Şəbəkəsinin qiymətləndirilməsini, şəbəkə inteqrasiyası variantlarının və marşrutlarının müəyyənləşdirilməsini, təklif olunan Şəbəkə İnteqrasiyası variantları üçün ilkin BoQ-ni əhatə edir. Bu qiymətləndirmənin 2023-cü ilin sonuna qədər başa çatdırılması gözlənilir.